एक खर्ब ७६ अर्बको सिमेन्ट ६ महिनामा नेपालले बेच्यो
चालु आर्थिक वर्षमा निर्माण सामग्री सिमेन्ट र अर्ध-तयारी सिमेन्ट (क्लिंकर) को निर्यात उल्लेख्य बढेको छ।
भन्सार विभागले सार्वजनिक गरेको तथ्यांक अनुसार चालु आर्थिक वर्षको ६ महिनाको अवधिमा एक खर्ब ७६ अर्ब ३३ करोडको सिमेन्ट र क्लिंकर निर्यात भएको छ।
गत वर्ष (१२ महिना) मा ७७ करोड ९३ लाख रूपैयाँको मात्रै सिमेन्ट र क्लिंकर निर्यात भएको थियो। यो वर्ष ६ महिनामै १२६ प्रतिशतले निर्यात बढीसकेको छ।
६ महिनाको अवधीमा नेपालबाट १६ लाख ७२ हजार ३६८ टन सिमेन्ट र क्लिकंर निर्यात भएको तथ्यांक छ।
अहिले भारतीय बजारमा नेपालको सात वटा ब्रान्डको सिमेन्ट बिक्री भइरहेका छन्। अर्घाखाँची, पाल्पा र सर्वोत्म सिमेन्टले भित्ते विज्ञापन समेत सुरू गरेका छन्।
सिमेन्टको निर्यात गत वर्षबाट सुरू भएकोमा अहिलेसम्म दुई अर्ब ५३ करोडको निर्यात भइसकेको छ।
