353 पटक हेरिएको वासिङ्टन डीसी – संयुक्त राज्य अमेरिकाले भूटानसहित केही अन्य देशहरूमाथि विशेष प्रकारका प्रतिबन्धहरू लगाएको खबर हालै चर्चामा आएको छ। अमेरिकी सरकारको यो कदम किन चालिएको हो भन्ने विषयमा विभिन्न अड्कलहरू लागिरहेका छन्।अमेरिकाले भूटानलाई अफगानिस्तान, इरान, उत्तर कोरिया, र सिरियाजस्ता देशहरूसँगै यात्रा प्रतिबन्ध सूचीमा राखेपछि यस विषयमा व्यापक चासो बढेको छ।
मानवअधिकारवादी तथा अन्तर्राष्ट्रिय विश्लेषकहरूका अनुसार, भूटानमाथिको यो कारबाही अकस्मात आएको होइन। अमेरिकी सरकार र अन्य अन्तर्राष्ट्रिय निकायहरूले वर्षौंदेखि भूटानमा भएका जातीय भेदभाव, मानवअधिकार उल्लङ्घन, र कूटनीतिक जटिलताप्रति चिन्ता व्यक्त गरिरहेका थिए।
अमेरिकी अधिकारीहरूका अनुसार, प्रतिबन्धहरू मुख्यत: सुरक्षा, आप्रवासन नीति, र कूटनीतिक सम्बन्धका आधारमा तय गरिएका हुन्। पछिल्लो समय, अमेरिका केही देशहरूसँग व्यापार तथा आव्रजन सम्बन्धी नियमहरूलाई थप कडाइ गर्दै आएको छ। कतिपय देशहरूबाट गैरकानुनी आप्रवासन बढेको तथा सुरक्षा संवेदनशीलता बढेको भन्दै अमेरिकाले यस्तो नीति अवलम्बन गरेको बताइन्छ।
भूटानजस्तो शान्तिपूर्ण मुलुकमाथि किन प्रतिबन्ध लगाइयो भन्ने प्रश्न उठिरहेको छ। यस विषयमा अमेरिकाले औपचारिक रूपमा कुनै ठोस कारण खुलाएको छैन। भूटानी समुदायका नेताहरूले अमेरिकी अधिकारीहरूसँग स्पष्टिकरण माग्ने तयारी गरिरहेका छन्।
यसैबीच, केही अन्तर्राष्ट्रिय विश्लेषकहरूले अमेरिका र भूटानबीचको कूटनीतिक सम्बन्धलाई ध्यानमा राख्दै यो निर्णय अस्थायी हुन सक्ने अनुमान गरेका छन्। भूटानले परराष्ट्र मामिलामा सधैं सन्तुलित नीति अपनाउँदै आएको र कुनै पनि अन्तर्राष्ट्रिय विवादमा नरहेको तथ्यलाई समेत ध्यानमा राख्दै यो प्रतिबन्ध छिट्टै हट्न सक्ने विश्वास गरिएको छ।
मानवअधिकारवादी तथा अन्तर्राष्ट्रिय विश्लेषकहरूका अनुसार, भूटानमाथिको यो कारबाही अकस्मात आएको होइन। अमेरिकी सरकार र अन्य अन्तर्राष्ट्रिय निकायहरूले वर्षौंदेखि भूटानमा भएका जातीय भेदभाव, मानवअधिकार उल्लङ्घन, र कूटनीतिक जटिलताप्रति चिन्ता व्यक्त गरिरहेका थिए।
