न्युयोर्क, जुलाई १ – अमेरिकाको न्युयोर्कस्थित विश्वप्रसिद्ध एम्पायर स्टेट बिल्डिङको चुचुरोमा अनधिकृत रूपमा चढेर प्रेम प्रस्ताव गरेका दुई जनालाई प्रहरीले पक्राउ गरेको छ।
प्रहरीका अनुसार उनीहरू बुधबार दिउँसो भवनको करिब १,४५४ फिट अग्लो एन्टेनासम्म पुगेका थिए। उनीहरूले त्यहाँ “When the power of love beats the love of power, the world knows peace” लेखिएको ब्यानर प्रदर्शन गरेका थिए। त्यसपछि पुरुषले महिलालाई विवाहको प्रस्ताव गरेका थिए।
घटनापछि न्युयोर्क प्रहरी (NYPD) ले तत्काल सुरक्षा अभियान सञ्चालन गर्दै दुवैलाई सकुशल तल झारेर नियन्त्रणमा लिएको हो। उनीहरूमाथि अनधिकृत प्रवेश, सार्वजनिक सुरक्षामा जोखिम सिर्जना गरेको लगायतका आरोपमा कानुनी कारबाही अघि बढाइएको छ।
