ह्यारिसबर्ग, पेन्सिल्भेनिया – अमेरिकी अध्यागमन तथा भन्सार प्रवर्तन (आईसीई) अधिकारीहरूले डौफिन काउन्टीमा बसोबास गर्ने भुटानी-नेपाली समुदायका केही सदस्यहरूलाई पक्राउ परेको छ। हालसम्म पक्राउ परेका व्यक्तिहरूको संख्या र पहिचान सार्वजनिक गरिएको छैन।
आईसीईको यस कारबाहीपछि ह्यारिसबर्ग क्षेत्रमा रहेको भुटानी-नेपाली समुदायमा त्रास फैलिएको छ। यो समुदाय संयुक्त राज्य अमेरिकामा भुटानी-नेपालीहरूको सबैभन्दा ठूलो बसोबास क्षेत्रमध्ये एक हो। १९९० को दशकमा भुटान सरकारले नेपाली मूलका नागरिकहरूमाथि गरेको जातीय सफाया कार्यक्रमपछि धेरैले शरणार्थीको रूपमा अमेरिका अाउनु परेको थिए। हालको अध्यागमन कारबाहीले पुनः असुरक्षा र त्रासको भावना जागृत गरेको छ।
यस परिस्थितिमा, समुदायका सदस्यहरूले आफ्नो अधिकारबारे जानकारी राख्नु र कानूनी परामर्श लिनु अत्यन्त आवश्यक छ। स्थानीय संगठनहरू र कानूनी सहायता सेवाहरूले यस कठिन समयमा सहयोग र मार्गदर्शन प्रदान गर्न सक्दछन्।
आईसीईले पक्राउ परेका व्यक्तिहरूको कानूनी स्थिति र उनीहरूलाई प्रदान गरिने प्रक्रियागत अधिकारहरूको सम्मान गर्ने प्रतिबद्धता जनाएको छ। समुदायका नेताहरूले शान्त रहन र कानूनी प्रक्रियालाई समर्थन गर्न आह्वान गरेका छन्।
